Prayogane kabeh masyarakat kudu tansah bebarengan njaga karesikane lingkungan. Cara sing paling gampang kanggo njaga karesikane lingkungan yaiku kanthi mbuwang larahan ing papan kang samesthine.
Aja pisan-pisan mbuwang sampah utawa larahan ing kali utawa selokan. Jalaran sampah utawa larahan kang dibuwang ing kali bisa nyumpeti iline banyu.
Yen nganti iline banyu kasumpet. Menawa ana udan gedhe, samesthine bakal ndadekake banjir kang banget ngrugekake warga kang mapan ing sauruting kali.
Ing perangan liya, saliyane aja mbuwang sampah utawa larahan ing kali. Prayogane masyarakat bisa nindakake kegiyatan 3 M (mengubur barang bekas, menutup tempat penampungan air, menguras bak air) kanggo ngawekani serangan nyamuk demam berdarah kang adate metune mbarengi tekane mangsa rendheng.
Muga-muga kanthi njaga karesikane lingkungan kanthi bebarengan iki bakal ndadekake kita kabeh adoh saka sawernaning bebaya lan samubarang kang ora dipenginake.