Wassalamualaikum Warahmatullahi Wabarakatuh.
Assalamu’alaikum Wr Wb
Alhamdulillahirabbil’ alamin wabihi nasta’in ala umuuriddunya waddin wassholatu wassalamu ala asrofil anbiyaai walmursalin. Amma ba’du.
Hadirin sadayana, tipayun hayu urang panjatkeun puji sinareng syukur ka hadirat Illahi Rabbi anu parantos ngagerakeun urang sadayana sangkan tiasa kempel riung di tempat ieu dina raraga acara Perpisahan Murid kelas 6 SD (nama sekolah)
Sholawat miwah salah oge mugia salawasna dilimpahcurahkeun ka junjunan urang sadayana habibana wanabiyana Muhammad SAW. Oge ka kulawarga, sohabat, para ulama, dugi ka urang sadayana salaku umatna nu mudah-mudahan beriman dugi ka poe akhir. Aamiin.
Hadirin sadayana anu ku simkuring dipikahormat,
Nepangkeun nami abdi Iman Sulaiman salaku perwakilan ti angkatan 57 SD Negeri 7 Cigalontang nu ngagaduhan ieu hajat perpisahan. Teu karaos salila genep taun lamina abdi sareng rerencangan sadayana aya di sakola ieu. Ieu artina, abdi sareng rerencangan teh bakal papisah ti sakola ieu.
Abdi ngawakilan rerencangan saangkatan bade ngahaturkeun nuhun ka bapa sareng ibu guru anu parantos ngawulang abdi sadayana salami 6 tahun. Mugia kabeh elmu anu dipasihan ti ibu sareng bapa maslahat kanggo kahirupan abdi sadaya. Oge mugia janten ladang ibadah kanggo ibu sareng bapa.