Sholawat sareng salam mugia salamina dilelerkeun kajunjunan alam nabi terakhir Muhammad Rosulullah SAW, Rahmat sareng sholawat mugia deui dilelerkeun ka kulawarga, sahabat, tabi’in miwah urang sadaya anu senantiasa miharep kabagjaan di dunia rawuh akhirat.
Hadirin sidang Jumat Rahimakumullah!
Al-Qur’an anu mangrupikeun wahyu sareng pedoman pikeun umat manusa, parantos ngawanti-wanti ka urang sadayana supaya teu kajebak teu kaperdaya kuharta kakayaan, sabab anu ngajadikeun korun cilaka kakubur kadasar bumi tina alatan hartana sorangan.
Firaun nu disebut-sebut hampir 70 kali dina al-Qur’an cilaka kulantaran kajebak kaperdaya kujabatan jeung kadudukan, nyakitu deui Abu Jahal jeung Abu Lahab ditempatkeun dina naraka hawiyah kualatan katipu ku gemerlapna harta jeung kadudukan.
Dina hal ieu Allah SWT ngarekam jeung ngaabadikeun dina al-Qur’an Surat Allahab:
تَبَّتْ يَدَآ اَبِيْ لَهَبٍ وَّتَبَّۗ
مَآ اَغْنٰى عَنْهُ مَالُهٗ وَمَا كَسَبَۗ
سَيَصْلٰى نَارًا ذَاتَ لَهَبٍۙ
Hartosna: “Binasa dua Leungeun Abu Lahab, kalawan sestuna binasa. Taya paedahna keur manehna boh hartana boh naon bae nu diusahakeunana. Manehna baris asup kana seuneu naraka nu ngentab-ngentab”. (QS. Al-Lahab: 1-3)
Moal manfa’at kamanehna harta bandana jeung nu diusahakeunana, Isukan manehna bakal asup kana seuneu anu ngagolak.