Sawise nindakake maneka percobaaan, wusanane masyarakat Solo kasil nggawe masakan sairip sosis sing kulina dipangan wong-wong eropa nanging cocok karo ilate wong Solo.
Panganan mau banjur diarani sosis solo. Masia bentuke padha, nanging sosis solo iki klebu jinise jajanan lan dudu lelawuhan.
Saengga sosis solo iki mung didadekake cemilan utawa digunakake campuran panganan liya. Salah sijine yaiku timlo solo.
Panemu kaping telu yaiku ana kang ngandhakake yen sosis solo iki mujudakake kreasine wong tionghoa kang kepingin nggawe sawijining jajanan kang bisa disenengi kaum ningrat lan bangsa kolonial.
Bahan-bahan kang digunakake kanggo nggawe sosis solo bisa diperang dadi loro yaiku bahan kango nggawe kulit lan bahan kanggo nggawe isi.
Ngenani bahan kanggo nggawe kulit ing antarane yaiku endhog, santen, glepung terigu, uyah, lan lenga sacukupe.
Dene bahan kanggo nggawe isiane yaiku daging giling, uyah, gula, santen, endhog, lan lenga kanggo numis. Ngenani bumbune yaiku bawang, brambang, miri, tumbar, lan jinten.
Carane nggawe kulit yaiku kabeh bahan dicampurake lan diudheg. Sawise kuwi didadar tipis lan sekirane wis mateng disisihake dhisik.
Kanggo nggawe isiane yaiku bumbu-bumbu kang dibutuhake iku mau dialusake kabeh. Sawise kuwi ditumis nganti wangi.
Yen wis wangi daging gilinge dilebokake lan dienteni nganti daginge malih rupane. Sawise kuwi santen, uyah, lan gula ditambahake. Masak nganti kabeh bumbu rumesep.
Yen wis kabeh bumbu rumesep. Kulit sing disisihake mau banjur diiseni nganggo bahan-bahan kanggo isian. Yen kabeh kulit diisi. Banjur dikukus udakara 15 menit.
Sawise mateng banjur diangkat lan dienteni adhem. Yen wis adhem banjur digoreng nganti kuning kecoklatan. Sosis solo wis disajekake kanggo cemilan utawa kanggo tambahan panganan liya.